樂天皇朝 (已結業)

個人特別鐘意食上海野，例如係生煎包啊，小籠包等等！好鐘意咬一啖然後入面有好多汁同肉嘅感覺樂天皇朝呢間其實食過好幾次，今次第一次黎尖沙咀分店！睇下會唔會間間分店唔同水準先！個人唔太鍾意呢個花生，因為唔同平時嘅脆花生！呢隻係「林」哂的！所以每次黎都唔會食太多！主角到！8色小籠包必點架啦⋯⋯打卡一流！今次我就留比個朋友食哂8隻啦！而我就叫咗其中我最鐘意嘅2隻味黎食無錯啦，就係黑松露味同蟹粉味啦！聞一聞先，黑松露味依然勁香食落仲係好重黑松露味，不過今次菇味重咗d d ，我覺得都可以！而蟹粉仲係一樣算係幾鮮味架！可以睇睇d汁，真係好多！所以真係要好小心食黎一個李白醉雞 加10蚊有雞脾！我地冇加，可以見到佢都盡量砌翻個波咁加啦⋯⋯聞落去勁重酒味雞嘅外皮都有d酒味，但肉就比較淡！雞肉都算滑！唔算老食一個蟹粉炒飯，味道幾好啊，而且食到好多蟹膏，d飯食落好惹味，夠穫氣香！而且就算有汁d飯都唔會一pat pat野咁，而係仲一粒粒米咁！我都幾欣賞甜品時間呢個係蘆薈桂花蜜，飲落幾舒服，而且好足料架！唔會太甜！凍凍地涼涼地咁食！不錯