小王牛肉麵 (已結業)

小王牛肉麵80後見到朋友仔喺ig post咗張相小王牛肉麵好似好好食咁所以就去咗食個毒L Lunch今日是星期三食晏時間嚟到銅鑼灣世貿，唔係好多人，我即刻已經有位坐啦，唔需要等位。 坐低咗之后佢會比張紙你點，我叫左半筋半肉麵依一個係小王既招牌麵。牛肉炆得好稔唔會黐牙，牛筋口感剛剛好唔會太𣺉，兩樣野都好入味。本來以為湯底淨係濃牛肉湯但是原來有藥材味道的湯，比起淨係牛肉湯更好飲，有啲朋友仔好唔鍾意有藥材味但依一個真係好易入口，感覺好似好補身，不防試下。麵係有粗麵同幼麵，我揀左粗麵對我來講好硬，下次會試吓食幼麵，不過不可提係麵質好滑絕對有水準。口痕嘅我叫咗個鹽酥雞，上菜時睇落非常乾身，同熱辣辣，炸粉非常薄，食落肉質一啲都唔乾同埋鬆軟，超正！原來睇睇下小王牛肉麵係米之蓮推介嘅果然有返咁上下。