明順海鮮菜館 (已搬遷) 新店位置

遲大到, 朋友己叫了餸, 見到朋友們又好興奮地掛住吹水, 場內環境、餐牌等….. 什麼也忘了拍。只是場內很嘈炒, 頭半 PART 飯焗很難傾計, 對面的朋友講什麼也聽不到, 要大大聲講野, 後半 PART 部份男客人為主的隔離幾檯走人後, 好了些, 可以說話斯文番。豉椒炒蜆蜆炒得夠惹味, 亦沒有沙。炸蝦餅頂瓜瓜, 蝦膠爽口彈牙, 有自家手打蝦肉風味。蘿白炆牛腩好邪惡的肥糕, 蘿白腍甜, 牛腩炆得好腍香, 鹹味適中。苦瓜炆班腩班腩炸過才炆, 魚還很滑, 豉味炒得夠香, 不過就油左些少。白飯魚煎蛋白飯魚蔥花加少少鹹煎蛋, 點會唔好食? 蝦膠釀大腸邪惡到極點之食物, 蝦膠同大腸都炸得過火, 大腸的肥美沒有了, 蝦膠的彈牙也不見了, 只剩下大腸的香脆可口,  廚師真要究竟究竟一下了。