COSY

營業中

休息中

今日到花墟買花，睇到哩間餐廳唔錯，咁試試。餐廳裝修得好清新，晚市提供數款套餐，平平地已經包埋主食同埋嘢飲，好抵食TIM。熱奶茶同凍檸檬茶，都係跟餐加配，兩杯嘢飲用咗同一款茶底，入口爽滑有回甘，成杯嘢唔會好甜，唔錯。會安春捲，一份有6件，春捲上臺仲熱笠笠。春捲皮脆內裡鮮甜，還會搭配埋生菜，可以包住春捲一齊食，都幾特別。酥炸牛丸，牛丸先燙熟再落油炸，表面炸到脆口，內地仲Q彈爽口。牛丸質素唔錯，食得出係手打果種，牛味好重。上等手切牛柳湯粉，同出面牛河唔同，哩間鋪頭用咗新鮮牛柳製作。牛柳燙到半熟，入口牛味香濃又唔會好韌。湯底落咗大量配料煲制，清澈鮮香帶有回甘。河粉嗦曬湯底滋味，食到停唔落口。香辣娘惹雞飯，越南版啲炸雞，用雞肉粒裹粉油炸，再落入娘惹汁爆炒。娘惹汁好重香料味，帶埋少少椰漿清香，比普通韓式炸雞要偏甜D。雞皮酥脆，雞肉鮮甜，同娘惹汁好夾。