泰鑫

營業中

休息中

天氣開始變暖，最岩就係食東南亞菜，今次就去左灣仔新開既泰國菜【泰鑫】食晚飯。雖然餐廳位置唔算好多，但裝修乾净清新，而且菜色主打比較傳統口味既泰國菜。青木瓜沙律：超級清新青木瓜再加紅蘿蔔絲，另外加左花生同甜辣魚露。非常適合宜家悶熱天氣食，花生既口感同香氣可以帶俾青木瓜唔同口感同味道。鮮蝦春卷：春卷包左米粉、生菜同蝦、好清新，再加上酸酸甜甜既醬汁，好開胃。鮮肉碎生菜包：分量超大、超多生菜再搭配炒豬肉碎同河粉。豬肉碎肥瘦適中、加左好多香料、非常香口。加埋河粉又幾特別。黃咖喱炒雞+蒜蓉包：黃咖喱炒雞雞肉好多好軟霖、薯仔都好軟糯入味。不過有少少偏鹹。但搭配白飯或者蒜蓉包都ok，蒜蓉包非常香蒜頭味道，而且好鬆軟。芒果糯米飯：好難得俾禁多芒果，雖然未係季節，但都算甜。糯米飯係用雙色糯米、而且係熱既，好新鮮，最特別係加左炸綠豆，口感好特別。泰式奶茶：難得唔算甜既泰式奶茶，茶味香濃！泰檸荔枝梳打：非常refreshing，泰檸味道會出D。