八拾台式串燒 (已搬遷) 新店位置

飲啤酒始終都係食D香口嘢最爽。係旺角見到間新開嘅串燒店，有我最鍾意嘅羊肉串就即刻入咗去坐低飲返兩杯解暑。佢有個裝住酒精爐嘅鐵盤，燒好就放上去，保溫幾好，唔洗怕D串燒凍曬。即刻梗係叫返支大青島先再叫嘢食。烤脆皮五花腩🐖又薄又脆又香烤大漠羊肉串🐑最特別用咗紅柳簽拮著嚟燒，有多一重香味，羊淋又夠味。烤豆皮包著大量蒜蓉一齊燒，鍾意蒜頭必試。烤茄子🍆切好晒，方便用筷子食，可以自己再加孜然粉更加香唔夠飽，佢哋仲有牛肉麵同肉燥飯食。開心就係咁簡單。