Pixel Café (已結業)

同朋友去到旺角想揾個靜靜地嘅地方傾下野, 見到樓下都有擺棟大廈有幾間樓上cafe嘅posters, 咁就行左入去, 決定由最高個層開始睇下, 如果唔ok就一路搭𨋢落去其他嘅café……上到頂樓20樓, 就揀咗個窗口卡位, 其實café 一個人都冇, 可以任揀! 但係呢到嘅裝修就已經好舊啦, 係時候要翻新下, D 櫈同沙發都有比較舊嘅感覺, 可能我地去嘅時候係中午, 出面好光, 所以無開燈, 我地坐近窗口就ok光, 但係如果坐入d, 就可能會覺得唔夠光….但係整體都乾淨. 朋友叫咗個燻鴨胸撈丁, 個樣就好吸引, 可能係啱啱炒起好香, 加上佢有落黑胡椒去炒, 更加惹味. 我就叫咗個炸魚柳沙律, 有少少失望, 因為我本身expect 係一塊嘅魚柳, 而唔係4 條炸魚手指, 應該寫清楚D!!!!!沙律應該係罐頭沙律, 但係都算係個唔係太heavy嘅lunch, 因為一陣仲約咗朋友食tea, 要留返d quota先得!!服務都好, 可能係小本生意嘅關係, 比較上心, 老闆同夥計本來坐係遠處食緊lunch, 但係一聽到我地食完野, 將d 碟塔埋嘅聲, 就立即過黎幫我地收野!