九井壽司 (已結業)

今日同小朋友行megabox 9樓親子樓層，行咗陣覺得肚餓，就去咗九井壽司食lunch。呢間餐廳好啱小朋友，每個小朋友會送一件小禮物🎁😍而且有列車運送壽司🚄🚅小朋友非常開心。小朋友叫咗一支菠蘿波子汽水同埋月亮號兒童餐，包1支益力多，玉子燒，炸魷魚同埋沙律。另外再叫咗小朋友啱食嘅粟米沙律軍艦，玉子壽司。我自己就食北寄貝刺身，好新鮮。三文魚子海膽迷你丼好抵食，68蚊咋😍海膽望落已經加分，好有光澤，食落好有鮮味。壽司就點咗火炙三文魚壽司，象拔蚌壽司，黑松露油甘魚壽司。油甘魚食落就知正，肉質好肥美嫩滑，我都好鍾意火炙三文魚，因為特別香。Ipad落單好方便，出入店員都有打招呼，態度友善。