小欖燒烤樂園 (已結業)

話說尋日去左龍鼓灘海邊燒烤樂園搞到一肚氣，燒都燒得唔盡慶。今日決定去另一個燒烤場，就係小欖燒烤樂園。小欖燒烤樂園之前都黎過好多次，知道佢地方大，泊位多。不過穩陣起見，都打左電話去 confirm 有位燒野食，有位泊車。超快聽電話，一流。渣到去泊好車，就入場喇。大人位位150蚊，因為阿囡高過130cm，所以當大人計，加埋開爐費40蚊。為左可以燒得舒服啲，就加左65蚊買左個燒烤網同大夾。野食種類都唔少，不過最欣賞嘅係，你去拎野食，佢係有專人幫你拎。咁樣一來少左機會比人左揀右揀，二來少左食物暴露係空氣比細菌感染到。小朋友都幾多野玩，有 jumping castles，夾公仔機，釣膠魚同手作仔可以做。不過要另外比錢。就好似 jumping castles 就 60蚊 30分鐘，比小朋友放下電一流。重有個好靚嘅日落。最衰渣左車，唔係嘅話，飲住啤酒睇日落，堅正。