滿屋廚房 (已結業)

呢間Fullhouse Kitchen好配合愉景新城嘅形象, 係小朋友嘅樂園~ 餐廳牆上佈滿可愛畫風. 嗰一刻覺得自己充滿童真.中午嚟到呢度, 就點返份午市套餐嘅溫泉蛋煙肉忌廉汁意粉 ($58), 配有熱湯/沙律, 以及一杯飲品.  呢碟看似係Carbonara, 最鍾意嘅係拮破溫泉蛋啲蛋漿混入意粉.  意粉份量都幾多, 食到尾就有啲漏.喺我點餐之後, 職員俾咗呢個咁可愛嘅木牌我, 只要髹上顏色交俾職員就有discount (唔記得係幾多!)  好surprise呢個咁有心思嘅小活動, 果然係小朋友嘅樂園!髹完之後啲木牌仲會掛喺門外呢度~ Fullhouse真係好難唔令小朋友鍾意囉!