影片
更多
2020-03-07
107 瀏覽
平日既九龍灣放飯時間，megabox 會有超多人排隊等𨋢，但九井位於九樓(親子購物果層），好多𨋢都可以搭到上去，所以覺得好方便。因為想食日本野同埋睇吓餐廳適唔適合姨甥仔去，所以就揀左依間親子新幹缐列車壽司店試下。未入到餐廳座位，門口已經有個小朋友讀書玩樂區。我同屋企人揀左午餐同兩份小食，果度仲有兒童餐，適合仲未可以食生冷刺身的小朋友。坐低就自己用枱面上既pad 落單，果陣時餐廳唔算多人，好快新幹缐列車就送餐黎啦！姨甥仔好鍾意車，佢應該會覺得得意。🤭1. 三文魚刺身盛 （我) – 自己好鍾意依個餐，岩唒貪心既我，因為有三文魚剌身，又有壽司同埋到庭烏冬食。湯烏冬唔會好鹹，味道剛剛好。😊2. 雜錦刺身丼定食 （屋企人）– 刺身夠新鮮同厚切，飯份量充足，家人表示滿意。3. 炸牛肉薯餅 – 依個我好喜歡，完全唔油膩之餘，仲食到啖啖既牛肉薯仔。🤭4. 雞軟骨串 – 配上🍋汁，很滋味，軟骨口感好正。希望疫情快啲過，然後我可以帶姨甥仔去食兒童餐。🙏🏻
因為想食日本野同埋睇吓餐廳適唔適合姨甥仔去，所以就揀左依間親子新幹缐列車壽司店試下。未入到餐廳座位，門口已經有個小朋友讀書玩樂區。
我同屋企人揀左午餐同兩份小食，果度仲有兒童餐，適合仲未可以食生冷刺身的小朋友。坐低就自己用枱面上既pad 落單，果陣時餐廳唔算多人，好快新幹缐列車就送餐黎啦！姨甥仔好鍾意車，佢應該會覺得得意。🤭
1. 三文魚刺身盛 （我) – 自己好鍾意依個餐，岩唒貪心既我，因為有三文魚剌身，又有壽司同埋到庭烏冬食。湯烏冬唔會好鹹，味道剛剛好。😊
2. 雜錦刺身丼定食 （屋企人）– 刺身夠新鮮同厚切，飯份量充足，家人表示滿意。
3. 炸牛肉薯餅 – 依個我好喜歡，完全唔油膩之餘，仲食到啖啖既牛肉薯仔。🤭
4. 雞軟骨串 – 配上🍋汁，很滋味，軟骨口感好正。
希望疫情快啲過，然後我可以帶姨甥仔去食兒童餐。🙏🏻
張貼
