老闆娘殷勤有禮，熱情的介紹食物，想試多款式，所以叫左套餐包六個餸同飲品，麵就揀左呢度最出名淮山麵，至於醬汁，老闆娘介紹唔辣咖哩汁，然後加上自家製的辣椒菜脯，果然無介紹錯，正！
淮山麵賣相似白色的幼麵，食落有驚喜，麵質滑溜，值得一試
飲品就揀咗瑪卡蜜，入口好濃郁嘅獨特蜂蜜味，甜得來一啲都唔封喉，加上抗衰老，抗腫瘤，抗疲倦，最啱繁忙嘅都市人
糖心蘿蔔，醬汁魷魚，白雲豬手，都係呢度嘅招牌菜，豬手我唔食，不過見到好多人食，相信好有水準，下次叫埋食豬手朋友黎試下先
糖心蘿蔔，清甜美味，怪不得成為招牌菜
1
醬汁魷魚，魷魚爽口彈牙,平時最怕食水魷冇味嫌有陣押味，呢個魷魚加上醬汁，野味
牛柏葉，點上辣椒菜脯，好味到不得了
豬皮，睇個樣就知道豬皮炆得好入味，咬落軟熟
麻辣豬耳，咬落爽口無比加上小麻小辣，值得一試
滷水雞翼尖，大大隻脹卜卜，好肥美
1
同事果然好介紹，以後去深水埗，可以食到又平又好味嘅車仔麵
