小房子 (已搬遷) 新店位置

小房子搬咗去新地方之後上過去幾次都未有嘢食，因為未申請到牌照。一申請到牌照星期六日又全天候勁多人，門口都入唔到唯有閒日再去啦。閒日大概五點鐘上到去都已經有三四組2至3人客人。 有外國女生，一雙一對嘅小情人或者閨蜜（仲有一張枱比貓咪佔據），談話聲線唔太大聲，好彩冇啲太大聲嘅人喺度，心中暗喜，可以極速打文。一入門口店員就話冇最低消費坐幾耐都得。真係啱晒用嚟寫文，小房子2.0同以前嘅小房子都係喺唐樓樓上有一排彎彎的窗戶，景致還可以，唯一美中不足係對面大廈有個超級大嘅螢幕不停喺度閃閃閃。我對住一面牆寫文都見到面牆不停轉色，真係眼都花。失去了一點點往日的簡約放鬆的感覺。但都冇辦法，呢度旺角嘛。我足足寫咗兩個半鐘都淨係飲水，晚餐時間客人開始多但店員都冇叫我起身俾人食飯，我最後寫到肚餓就叫咗鰻魚飯定食。分量仍然輕盈但夠熱又好味。細細碗飯加一碗麵豉湯要90幾蚊，但老闆娘想比香港人有任坐唔嬲嘅Cafe體驗，除翻開俾貴少少都好合理。如果好肚餓諗住大開殺戒一番小房子就唔太啱啦。我食完都覺得啱啱好唔會太飽。小房子定位都係文青風輕食悠閒摸下貓，繁囂鬧市中的一片小綠洲，之前孭住部重電腦起旺角等人都係上去小房子。雖