影片
更多
2020-05-12
713 瀏覽
呢排疫情援和左，大家都放心左出街食飯我老公生日，佢想食日本菜，但而家時勢唔好食咁貴，揾到呢間睇落'好似'唔錯放題於是book位，我地食貴啲啲果個Set今日係平日晚上，前台解說同入場安排我覺得細心嘅。睇過人地食評，即使睇埋有新聞話有人食物中毒，但我覺得都可能係一次半次唔好彩，見都多讚，又想試都照去啦。我無過大期望，老實講，食物我覺得中規中矩，不過我食過嘅放題有更好嘅選擇，而且比佢平同環境好都有。呢次食都實現左人地講嘅第一round禾牛食完，re-order嘅禾牛係有分別嘅。食物真心覺得可接受，不過跟住嘅事令我食慾大減，所以食得唔多同勁唔安落。我諗邊個食客都唔想見到小強！！(記住而家係抗疫期間) 食食下隻小強由我面前台底快速底爬出嚟台面，嚇到我即彈起身。我老公係對面位拿拿聲用紙巾打死隻佢當時咁啱行過一個staff, 佢望住我老公打死隻小強，佢接左張紙巾就拎走左。我老公安撫左我一陣，我都唔想吵吵鬥鬥影響其他食客，而且今日係我老公生日呀大佬，我更唔想嘈。於是我就坐返低，但成餐真係食到好不安，好驚有再小強行上腳。。。重點係然後，然後我一直係到諗會唔會有人過嚟了解下。結果係一個都無。每次佢地之後拎
我老公生日，佢想食日本菜，但而家時勢唔好食咁貴，揾到呢間睇落'好似'唔錯放題於是book位，我地食貴啲啲果個Set
今日係平日晚上，前台解說同入場安排我覺得細心嘅。
睇過人地食評，即使睇埋有新聞話有人食物中毒，但我覺得都可能係一次半次唔好彩，見都多讚，又想試都照去啦。
我無過大期望，老實講，食物我覺得中規中矩，不過我食過嘅放題有更好嘅選擇，而且比佢平同環境好都有。
呢次食都實現左人地講嘅第一round禾牛食完，re-order嘅禾牛係有分別嘅。
食物真心覺得可接受，不過跟住嘅事令我食慾大減，所以食得唔多同勁唔安落。
我諗邊個食客都唔想見到小強！！(記住而家係抗疫期間)
食食下隻小強由我面前台底快速底爬出嚟台面，嚇到我即彈起身。
我老公係對面位拿拿聲用紙巾打死隻佢
當時咁啱行過一個staff, 佢望住我老公打死隻小強，佢接左張紙巾就拎走左。
我老公安撫左我一陣，我都唔想吵吵鬥鬥影響其他食客，而且今日係我老公生日呀大佬，我更唔想嘈。
於是我就坐返低，但成餐真係食到好不安，好驚有再小強行上腳。。。
重點係然後，然後我一直係到諗會唔會有人過嚟了解下。結果係一個都無。
每次佢地之後拎野食嚟都係放低就轉身走，我都無捉住佢地嘈。我估會唔會頭先嗰個staff無同其他人講呢。。。
終於到埋單簽卡有一個高級d 嘅叫做停耐D, 於是我好冷靜問佢：我想問頭先你同事有無同你講有小強。佢停左幾秒好似好驚訝我問，然後佢答我：嗯，有
跟手俾完單我就轉身走
What? 我諗左好耐佢嘅回應係咪話俾我知，佢地其實個個都見慣無感覺？作為食客嘅我真係好不安
或者食肆有小強都係在所難免，但你地嘅回應未免又太無視食客吧。。。點解原來你地都知發生左但就選擇避開個客？
最嬲唔係見到隻小強，係佢地嘅態度。係咪我無嘈就當無事？
我諗食野就算點無expect 會有小強伴食，餐廳嘅清潔度我相信係大家concern嘅事，特別抗疫期間
記住我唔係去街市食飯
小強同埋服務已經唔值俾八舊幾水嘅一餐
張貼