更多
2023-01-04
738 瀏覽
💁♂️30/12/2022(Fir), Dinner🍽今晚為食妙妙約咗佢班姊妹去食飯聚會，A先生唯有獨自去搵食啦，之前都有留意到呢間門面細細既熱狗🌭️店，熱狗都有唔少選擇，一於就試一試啦。而今晚我order左：🔆 黑糖蘋果手撕豬熱狗🌭️套餐（$78）呢個黑糖蘋果手撕豬熱狗🌭️單售就$58，套餐就多咗一份粗薯條🍟/薯角同飲品。落單時店員都有提醒食物係即叫即製，所以要等大約8分鐘，讓人有個心理準備。拎到食物之後，立即開車返屋企開餐，沿途薯條🍟同熱狗🌭️既香氣喺車入面不停咁引誘A先生，彷彿叫佢開快啲、開快啲返屋企食我地咁。黑糖蘋果手撕豬熱狗既賣相唔錯，熱狗腸上面鋪咗一啲手撕豬肉，再加上黑糖蘋果粒同少少黑糖汁。熱狗包唔係平時食開既軟熟口感，反而係外皮有點脆，內𥚃軟熟，A先生都係第一次食到呢種質感既熱狗包，感覺同口感都幾特別。黑糖煮過既蘋果粒帶有黑糖香氣之餘，仍保持蘋果既口感，再混和手撕既燒烤豬肉，更帶出了肉味。手撕豬肉唔會好嚡，好似煲完湯既豬肉咁，反而仍算軟熟。熱狗腸咬落皮脆帶煙韌，牙齒一咬，腸皮就應聲裂開，再吃下去煙韌既腸皮夾埋豬肉，味道不錯。薯條係帶皮既一種，A先生最愛就係帶皮既薯條，可以食到薯皮
💁♂️30/12/2022(Fir), Dinner🍽今晚為食妙妙約咗佢班姊妹去食飯聚會，A先生唯有獨自去搵食啦，之前都有留意到呢間門面細細既熱狗🌭️店，熱狗都有唔少選擇，一於就試一試啦。
而今晚我order左：
🔆 黑糖蘋果手撕豬熱狗🌭️套餐（$78）呢個黑糖蘋果手撕豬熱狗🌭️單售就$58，套餐就多咗一份粗薯條🍟/薯角同飲品。
落單時店員都有提醒食物係即叫即製，所以要等大約8分鐘，讓人有個心理準備。拎到食物之後，立即開車返屋企開餐，沿途薯條🍟同熱狗🌭️既香氣喺車入面不停咁引誘A先生，彷彿叫佢開快啲、開快啲返屋企食我地咁。
黑糖蘋果手撕豬熱狗既賣相唔錯，熱狗腸上面鋪咗一啲手撕豬肉，再加上黑糖蘋果粒同少少黑糖汁。熱狗包唔係平時食開既軟熟口感，反而係外皮有點脆，內𥚃軟熟，A先生都係第一次食到呢種質感既熱狗包，感覺同口感都幾特別。黑糖煮過既蘋果粒帶有黑糖香氣之餘，仍保持蘋果既口感，再混和手撕既燒烤豬肉，更帶出了肉味。手撕豬肉唔會好嚡，好似煲完湯既豬肉咁，反而仍算軟熟。熱狗腸咬落皮脆帶煙韌，牙齒一咬，腸皮就應聲裂開，再吃下去煙韌既腸皮夾埋豬肉，味道不錯。
薯條係帶皮既一種，A先生最愛就係帶皮既薯條，可以食到薯皮既纖維之餘，又有入口帶粉既薯肉，一條薯條有兩種享受👍🏻。🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
👉🏻 除咗呢個黑糖蘋果手撕豬熱狗🌭️之外，店家仲有其他香辣手撕雞熱狗或者鰻魚熱狗都好吸引😋
🔆🔆🔆🔆🔆🔆🔆🔆🔆🔆🔆🔆🔆
張貼
