潮州人 (已結業)

小店風味，店舖坐位唔多，好似十幾個位左右，朋友推介呢度嘅花膠米粉，喜歡食蠔嘅亦可以再加多兩隻廣島蠔，老板兼大廚自己一手一腳包辦落單同煮食，等左一陣食物終於上枱，先試湯底，鮮甜雞湯味道唔會太肥膩(店家主張不加味精)，所以客人可以飲到雞湯嘅鮮味，而米粉選用幼滑嘅新竹米粉，加入少少芽菜配合，入口爽滑，米粉吸收左雞湯鮮味更加好食，花膠亦炆得好淋好夠味，而蠔就普通未算特出，另再單點一份醉雞翼，酒味香醇尚算夠味，但肉質稍為實左少少，應該係浸嘅時候火喉大左少少，總括食物ok嘅，推介花膠米粉。