Springfields (已結業)

中環夜晚搵食有時都幾頭痛，太多選擇之餘亦太大份量，早2日想食light d無意中發現呢間小店，見menu價錢合理，一於試試。店內cafe形式的裝修，簡單但乾淨。店員服務態度超nice，好樂意介紹餐廳最受歡迎的菜色比我地聽，小店獨有的親切，感覺窩心。聽左店員推介，先來點杯Oreo milk shake ，好香濃而且唔太甜。呢度仲得飲酒，老公就點左2款炸物送酒。炸芝士，外脆內軟，好新鮮，送酒一流。炸雞亦都係即叫即整，雞亦炸完後依然保留肉汁，配埋特式醬汁一齊食，超好味主菜就點左煙三文魚crepes ，配埋雞蛋同其他配菜，食落很有特式。全晚最精彩卡拜尼意粉，一上枱已經好香，醬汁超香濃好creamy，意粉生熟情況剛好，配埋煙肉同芝士，非常之香，好好味，必食啊。