深宵食堂 (已結業)

銅鑼灣工廈入面，一間睇落都真係好細既鋪頭D野真係好高質。最岩同三五知己系銅鑼灣shopping同埋捉完小精靈之後到個度食吹水！成棟工廈有好多間餐廳進駐，大家要去記得book位！餐廳小巧別緻，用木黎裝飾墻身加埋都有吾少日本特色擺設，日本畫啊同埋各種日本酒，可以見到開放式小廚房，居酒屋風格又幾溫馨。檯面會有點餐紙，分別有燒物、燒物蔬菜、炸物、主食、小食同甜品差唔多52款食物，選擇唔算好多不多我同朋友4個人真係差唔多試曬，樣樣都好出色。芝麻雞翼超好味！外皮超級鬆脆芝麻鋪滿雞翼香口惹味道，保持到入面雞肉柔嫩，一D都吾柴，好juice！！香草羊架羊架燒完切一粒粒大小容易入口，外表燒到焦香睇落以為好干口啦，點知係超級多肉汁，無好重調味料而係食返羊架鮮味，最驚喜系係無羊騷味！！！加埋薄荷醬一齊食中和返啖啖肉既油膩感。推薦啊一定要試！真係體驗到日本居酒屋的特色，三五知己到小店吹水，老闆對食品有要求同埋用心料理，餐牌上所有款式都應該有十級信心先寫出黎，樣樣都好味道無中伏都係第一次！