糖宮甜品專門店 (積信街)

營業中

休息中

今日同朋友係大圍到食完酸辣米線之後，覺得辣辣地，想去食啲甜嘢中和下。行下行下，就搵到糖宮呢間頗為隱蔽嘅甜品店。當時大概10點鐘，所以人流唔算太多，唔使點樣等位。入到去， 餐廳唔想大，可以容納嘅客人亦都唔算多。餐廳有好多種唔同特色嘅甜品，有雪花冰、心太軟、芒果系列、榴槤系列等。咁我同我朋友就帶咗一個榴槤飄香同芒果三重奏。榴槤飄香個榴槤沙冰好濃郁，但不會話太甜，食得出係榴槤肉整出嚟嘅。另外佢仲有榴槤雪糕，西米露，榴槤肉，盛滿甜品個層次都好豐富。芒果三重奏芒果三重奏入邊有芒果布甸、芒果肉、芒果雪糕、爆爆珠、西米露。呢幾樣野嘅配搭都好夾，同埋都唔算話太甜。另外，佢啲芒果肉都幾新鮮。