紅館 (海堤街)

營業中

休息中

好耐無行過呢度，今日lunch 心血來潮經過突然發現呢間小店擴充，家下終於有位坐啦! 小店以前只有4個位都要擠入去食，呢刻濶落咗咁多當然諗都唔諗就入去幫襯。中肯唔誇張，喺香港食過咁多間，呢度嘅麻辣係最好食嘅，正宗不過。加上老闆娘熱情又好講得笑，對出品咁認真，真係會加加加分。今日點咗麻辣牛肉蘿蔔湯麵，份量十足，夠麻、夠辣、夠香，牛肉份量好足，蘿蔔清甜，麵彈性剛好，加埋大大粒魚蛋，趁熱辣辣一口氣食完。再飲奉送嘅羅漢果茶，非常滿足。有感，眼望住一間小店由4個位終於奮鬥到宜家有10張小桌，好似望住一個BB長大咁，係有啲感動。嗰份認真和堅持本人十分欣賞。加油呀！匆匆忙忙和老闆娘閑聊兩句就要返公司，一齊努力啦。