C+ Burger (已結業)

西營盤水街頭個角落一直都聚集咗堆小店響度，最近經過見到最吸引就係呢間c+ burger✨本身想試軟殼蟹但畢竟第一次食會想試牛多啲，揀咗黑松露芝士漢堡($46) 都幾大個，個漢堡扒都幾重味，仲重過陣黑松露味，落咗黑椒有啲帶辣，而個質感都幾用心，牛肉屬有咬口果種，中心位置帶微紅生熟度火喉控制剛好，唔會過熟過硬，而且好欣賞佢混咗啲小小肥膏粒入去令個漢堡扒食落層次豐富好多✨ 但我始終鐘意食質感偏軟腍，所以都係嘉寶最好😛另外加錢轉餐有汽水薯條同雞翼($35) 水牛城雞翼即叫即炸超級燙手，要食咗一半包先涼返少少拎得起，同薯條一樣水準屬正常，唔係話好突出咁，佢地堂食係店舖外面既一排吧台，可以透過玻璃見到廚師點整，又會開個窗仔俾野食你，感覺幾得意，而且冬天涼浸浸都幾舒服，仲有特別要提佢地有膠手套提供喲👍🏻✨