龍鳳祥餃子館 (已結業)

呢間位於佐敦的餃子店是我和男朋友的飯堂，每當我唔想煮飯的時候我總會想起它，今天下班與男朋友去做gym，做完都差不多9點，我又無預備餸菜，所以又去食餃子。極度推介韮菜豬肉煎餃，每次黎我都會點10隻，如果唔係會比男朋友搶晒黎食😂而男朋友最鐘意就係豬手飯，佢話好入味好腍，而且店員好細心，會比個碗仔你吐骨。今次我仲點多左個口水雞，拍得住貴價既上海餐廳，性價比高！另外熱同凍豆漿各點了一杯，豆漿香滑，重豆味，而且大大杯都係6蚊咋！