棠記海鮮小廚

營業中

休息中

屯門三聖邨出名食海鮮正，過開黎揾朋友就索性食埋個晚飯先走。今次無揀呢度嘅大酒樓，我地揀咗黎”棠記海鮮小廚” 。呢度環境闊落，乾淨企理，氣氛好好。雖然係平日，但都坐無虛席。油鹽水粉絲煮蜆 - 用最簡單嘅煮法配上最簡單嘅調味，已經可以將蜆嘅鮮味完全帶出。加埋粉絲喺下面，吸晒嗰湯汁，無敵！椒鹽酥炸鮑魚 - 炸粉很薄很脆，入口爽彈唔乾身，外面再有少少椒鹽提升個鮮味，無得輸。招牌鹹鵝 - 即係滷水鵝，但係帶有鹹香嘅滷水鵝。滷水汁香濃，鵝肉滷得十分入味，肉質嫩滑。沙薑雞腳 - 一流嘅送酒小食。雞腳炆到好軟冧，入口已經有微鹹的沙薑味。唔夠可以再另點沙薑。相比大酒樓，小廚價錢比較便宜，食物質素好，性價比高。食海鮮其實都可以好經濟實惠，呢度就係其中一個好選擇。