亞萊泰菜 (已結業)

金到發黃既亞萊泰菜，佢唔係其他亞萊xx個啲既分店！係唯一既亞萊泰菜，唔好再認錯！ 今日晏就3點先到呢間係元朗教育路新開個幾2個月既店鋪，入面都仲係有好多人食...好好彩唔洗等位，我地朋友分別叫咗個火車頭炒飯同泰式豬手飯再一齊share咗個泰式春卷🤤價錢真係貼地到震，大件夾抵食！豬手有成3,4舊咁多，而且味道濃郁但係我就中意食啲有咬口既，佢呢到煮得略嫌淋身咗少少而且有好重既花椒味，如果輕手少少🤏🏻同硬身少少🤏🏻我會中意多啲至於火車頭炒飯反而淡味咗啲，可能我食慣印尼炒飯既重口味，頓時覺得呢個比較淡，不過牛肉好淋身，值得一讚❤️