原點 (已結業)

有晚約朋友出嚟食糖水朋友約咗去依間新開嘅糖水舖食，鋪頭嘅裝修好簡單坐得好舒服而且牆上面畫嘅畫都非常之靚我同朋友每人都叫做一個心太軟分別係baileys 心太軟同埋抹茶心太軟, 每個心太軟都會配一個雪糕，我哋就揀咗曲奇同埋朱古力味雪糕，心太軟因為要即焗所以等得比較耐，但係味道真係好好入面真係流心，而且味道亦都唔會太過甜食落去配埋雪糕啱啱好，抹茶都係比較有驚喜嘅味道，味道好真實然後我哋就心思思想叫多一樣野，就叫咗一個牛乳燒仙草，份量都幾多而且材料好夠，食到最後食到都好飽而且食落去煙煙銀銀好正朋友就叫多咗一個糖水，哈密瓜西米露，西米露嘅椰汁味都幾香，不過味道有啲淡，配埋水果都幾清新，如果諗唔到去邊度食糖水我諗依家喺元朗都係一個幾好嘅選擇