泰嘟嘟

營業中

休息中

今日女友人帶左小弟黎大角咀覓食, 佢話之前同朋友係呢頭發現左好多新起既樓同多左好多食店, 比以前旺左好多. 咁今次我地就去左大角咀其中一條巷仔試呢間泰dood dood, 佢鋪內裝修都好舒適好泰的風味, d裝飾都好特別, 野食方面我地叫左炭燒豬頸肉，泰式生海蝦，粉絲蝦煲，泰式燒大頭蝦，香芒軟殼蟹米紙卷，馬拉盞炒通菜同埋香蔥蒜蓉包,野飲就有柚子蜜同椰青.. 佢個燒豬頸肉好爽口配埋個酸汁食好開胃...個生蝦好特別佢用杯上之餘仲要有兩種汁比我試, 一個係傳統酸辣魚露汁.另一個係有d青檸薄荷味既辣汁,兩個汁食生蝦都好清新易入口, 個燒大頭蝦好肥美, d肉彈牙得黎仲要有d蝦膏.. 個軟殼蟹米紙卷都好fresh因為佢中間夾左d芒果肉暖暖地咁.. 最後食埋個通菜同蒜蓉包就真係飽到攬住個肚走..