Burger Begin (已結業)

紅磡區可以話係漢堡包集中地，最近又多一間選擇！呢間Burger Begin 主打外賣，另外都有少量立食位置。漢堡包有六款選擇。款款都各有特色，但價錢都幾相宜，最貴既都只係$108，但已經係鵝肝漢堡！！其他地方食超碼貴幾十蚊。鵝肝漢堡高質抵食，鵝肝大塊又厚身，而且煎得啱啱好，夠香脆，香嫩無比，入口即溶，百零蚊真係抵食。而且鵝肝漢堡係配黑醋汁，減輕左鵝肝同牛肉嘅油膩感，同時又唔會搶左個味道。漢堡入面仲有兩大件青瓜，口感爽脆，同樣可以減輕油膩感之餘，仲令到口感更豐富。黃金漢堡啖啖流沙咸蛋，滋味十足黃金蝦、黃金花枝就經常食，至於黃金漢堡都係第一次見，真係好有創意，而亦估唔到原來係咁夾！黃金醬即係咸蛋黃醬，味道夠哂濃，一食落去仲有流沙感覺。下層除左漢堡扒之外，仲有蕃茄同紫洋蔥，甜甜辣辣既感覺中和黃金醬，平衡返漢堡既味道。炸魷魚脆卜卜炸魷魚有啲驚喜！天氣咁凍食炸野，都好驚好快就凍哂又淋哂咁。但係呢個炸魷魚竟然喺擺到凍凍地既時候都仍然保持到脆卜卜！炸芝士味道濃厚呢度既炸芝士有兩款，我地就揀左味道濃啲既炸金文畢芝士，金文畢芝士雖然無拉絲，但味道濃郁，口感幼滑。