影片
更多
2013-09-16
1758 瀏覽
據聞最近Le Chef由西班牙大廚Francisco Pazos主理，貪新鮮的小妹豈能錯過？主打fusion菜的Le Chef，裝潢明亮簡潔，陳列了大量的紅酒，盡顯氣派和格調。午市則提供$168的自助餐，有cold cut、冷熱盤、沙律吧、甜品、壽司、熱湯、麵包等常見食物。坦白講，食物選擇不算太多，也不算是精品，但夠迷你的骰，適合女士或商務人士享用。特別之處是，現場擺放了一隻碩大的Iberico Ham頂級西班牙黑毛豬火腿，即切即吃，較為罕見及有趣。先來一碟軟腍入味的薯仔沙律、有嚼勁的螺絲粉，以及鮮嫩爽的雜菜沙律揭開序幕。接著，當然係主攻貴價冷盤。四片厚切肥美甘腴的三文魚刺身，不過，鮮味及質感則屬一般。加拿大翡翠螺口感黏稠的，海水味不太重；而凍蝦頗為肥美爽滑彈牙，但兩者均不算佳品。凍蟹腳肉多鮮甜，但蟹肉較鬆散。幸好，黑毛豬火腿配梳打餅並沒有教小妹失望﹗切得薄薄的火腿滲出韻味流長的油脂鹹香，配合梳打餅吃，味道一流。然而，若有甜而多汁的哈密瓜坐陣，口感則將會更佳﹗用餐期間，西班牙主廚Francisco Pazos逐桌與客人交談，並順便搜收集意見。”All thing OK？” Franci
午市則提供$168的自助餐，有cold cut、冷熱盤、沙律吧、甜品、壽司、熱湯、麵包等常見食物。坦白講，食物選擇不算太多，也不算是精品，但夠迷你的骰，適合女士或商務人士享用。特別之處是，現場擺放了一隻碩大的Iberico Ham頂級西班牙黑毛豬火腿，即切即吃，較為罕見及有趣。
先來一碟軟腍入味的薯仔沙律、有嚼勁的螺絲粉，以及鮮嫩爽的雜菜沙律揭開序幕。
接著，當然係主攻貴價冷盤。四片厚切肥美甘腴的三文魚刺身，不過，鮮味及質感則屬一般。加拿大翡翠螺口感黏稠的，海水味不太重；而凍蝦頗為肥美爽滑彈牙，但兩者均不算佳品。凍蟹腳肉多鮮甜，但蟹肉較鬆散。幸好，黑毛豬火腿配梳打餅並沒有教小妹失望﹗切得薄薄的火腿滲出韻味流長的油脂鹹香，配合梳打餅吃，味道一流。然而，若有甜而多汁的哈密瓜坐陣，口感則將會更佳﹗
用餐期間，西班牙主廚Francisco Pazos逐桌與客人交談，並順便搜收集意見。”All thing OK？” Francisco俯身笑著問。因事出突然，而小妹碰巧口中正在品嚐美食，只好點頭微笑示意。後來，見他在切火腿，就問他可否拍照。友善的Francisco一口答應了。
拍完照，小妹心滿意足地捧著一碟食物坐下享用。螺肉中華沙律正常；雜肉腸切片較韌而富鹹香；煙三文魚嫩滑具煙燻味；沙拉美腸偏淋，難吃；火炙魷魚壽司有嚼勁及咬口，不錯；西班牙式沙律卷以芒味蛋卷包著三文魚蕃茄沙律，上面鋪有碎蛋沙律，香口好味；煙魚過乾過硬，略帶魚鮮味；三色螺絲粉吞拿魚沙律則具口感。
此時，老爹拎左一碟食物回來，有日式海鮮蒸蛋、羊架及千層麵。老爹表示日式海鮮蒸蛋夠滑夠鮮味夠蛋香；羊架夠軟腍夠入味，輕輕一咬，已骨肉分離；他老人家就嫌千層麵濕淋且較濃味，口感欠奉。唉，千層麵本質如此，真是冤枉﹗
吃罷，小妹意猶未盡，除左炸雞翼，又再次拎左d覺得好食的食物返嚟。 炸雞翼睇落炸得乾乾的，誰知，一咬，嘩，外皮酥脆香口，內裏肉質嫩滑，好味道﹗
老爹拎左個迷你漢堡包回來，小妹想試，但又怕是牛肉，故叫老爹切一半先試味。他試完表示不是牛肉，但見淺紅色的肉碎，小妹帶著懷疑一嗅，無牛肉味喎﹗再放膽試了一小口，真的不是牛肉。漢堡包凍了，但包仍夠鬆軟，「豬肉」夠嫩滑多汁，油香悠長，加埋鮮爽洋蔥，滋味無窮﹗誰知，小妹中伏了。寫食評時，小妹睇返d相，先發覺此乃90日熱成迷你漢堡包 (90 Days Dry Aged Mini Burger)，即經過90日自然發酵的乾熟成牛肉。嗚嗚，平生不吃牛肉的小妹，竟意外地吃了……
小吃多滋味，大吃壞肚皮。小妹不敢再吃了，只搯了老爹一小匙腐竹雞蛋糖水淺嚐。完整腐竹仍清楚可見，薏米未夠腍，失敗之作。再搯一小匙豆腐花細嚐，嘩，夠溫熱夠滑夠鮮豆味濃，忍不住又偷吃了幾匙。酒店提供自助飲品供應，有港式奶茶、咖啡及檸檬等。
最後，小妹以甜品作結。檸檬馬令撻和蜜桃撻夠香脆可口，前者酸咪咪而夠滑，後者具果香而鬆化。桂花凍餅、綠茶慕士、芒果慕士、朱古力等甜品質感偏軟腍，口感濃稠似膠，入口即融，稍稍移動即支離破碎。問過大廚，傳統西式甜品本應如此質感。突然，想起No.5 Italian 那個口感如軟豆腐般的Tiramisu……兩杯的骰甜品分為是幼滑奶凍及草莓乳酪凍，小妹偏愛後者酸甜中帶冰冰沙沙的口感，清新富士多啤梨果香。
小結：是次乃視察環境，若要一睹大廚之功架，則須另揀日子去試fusion晚餐了﹗
題外話/補充資料：
預先訂枱可享九折優惠。
(以上食評乃用戶個人意見 , 並不代表OpenRice之觀點。)
張貼
