阿元來了 (已搬遷) 新店位置

除了排隊的確比較耐，阿元來了是我最愛、覺得最正宗的台式小吃店。每樣細細碟好似tapas 咁，幾十幾十蚊不知不覺又會叫左好多…魯肉飯係每次來都會叫的，每次都好好食。$28 在出面可以食到個碟頭飯或一個麵，相比咁細碗飯，係少少貴，但真係好食到我願意俾貴少少。肉的肥瘦適中，無肥又唔好食，最正係個汁，唔會死鹹又有油香。飯粒係肥嘟嘟的，唔係普通泰國香米，夠誠意。點個鹵水拼盤、油菜、魚丸湯，咁就$9x…一個人係食得晒，但真係唔覺唔覺就食左咁貴。其他野食不過不失，魯肉飯令我keep 住黎既原因。