南小館Plus

星期日豬仔帶我去希慎嘅南小館嘆tea 淺嚐上海菜！南小館~曾經聽返來嘅評語，係好壞參半，口味嘅嘢好個人化， 唔親身試試，又點知龍與鳳 呢~

我倆shopping完過到去希慎廣場，大慨晏晝3點几，客人唔多，環境清靜，簡約嘅佈置，帶點文青風格，感覺舒適寫意！

一於點几款小巧菜試試喇 : -
1.招牌生煎包 : 賣相精緻 ，形狀小巧輕盈，有別於一般化嘅懷舊大包。外表漲卜卜，咬落發現皮薄香脆 ，肉汁香溢，肉饀非常正斗 ！

招牌生煎包

2.排骨擔擔麵 : 排骨厚切, 外層酥脆，肉質鬆軟啖啖肉 ，yummy！至於嗰血色地獄湯麵 ，令人太失所望 ！口感辛辣，唔係咁對胃囉 ！皆因我倆對有花生醬+沙嗲醬嘅擔擔麵，一直情有獨鐘 ！

排骨

擔擔麵

1

排骨擔擔麵

3.手抓餅 : 熱辣辣，外脆内軟 ，美味可口！

手抓餅

4.南小館甜甜拼 : 賣相靚仔 ，由客人挑選自由拼，我地揀咗芒果凍布丁+細沙南瓜糰+桂花蜜拉糕。

1

南小館甜甜拼 : 芒果凍布丁+細沙南瓜糰+桂花蜜拉糕。

芒果凍布丁~芒果肉多，食到啖啖芒果蓉
細沙南瓜糰~小南瓜好Kawaii , 雖然無咩南瓜味，但内饀載有滿滿嘅紅豆蓉，甜而不膩 ！
桂花蜜拉糕~淺淺甜味，軟軟嘅糯米糕，太common嘞！

整體唔錯，但略嫌價錢偏高，唔多抵食 ！