影片
更多
2018-02-16
4804 瀏覽
今日去睇牙醫，明明只係好小事去補牙，點知最後竟然因為蛀得太深要打麻醉藥先可以補牙，搞到成日心情都唔太好。老公見我無咩胃口，所以就話要同我去樂天皇朝，食我最愛的蟹粉小籠包，同埋上海野比較濃味，希望食完會有返胃口。今次食呢間樂天皇朝係銅鑼灣利苑，平日中午都唔算太多人，唔似之前晚市黎食咁滿座，我自己就幾中意呢邊環境同氣氛，燈光會調到暗暗地咁，唔會同平時的中餐廳一樣咁光猛，反而令人覺得幾有情調，再加上每張餐檯之間都有一定距離，除左空間感比較好之外，客人之間都可以有私隱。口水雞：聞到口水雞的辣辣香味，上檯見到全個鮮紅色有少少嚇親，但好在食落辣度適中，少少黏稠的辣汁可以沾在雞肉上。個雞肉係雞脾肉，口感非常鮮嫩可口，凍凍地辣辣地好開胃。剁椒魚片：呢個真材實料正正正，以一小截竹筒上檯，一望就見到紅紅綠綠的剁椒，顏色已經令人覺得唔錯，然後一撥開上層的剁椒，發現下面全部都係魚片，每片都完整且無骨，肉質厚實鮮嫩，份量仲要比想像中多，食極都仲有魚，極力推薦！小籠包：叫左原味及蟹粉，水準都同以前一樣咁高，每一粒小籠包外皮通透，輕輕一夾都怕會穿，但又勁在夾完都唔會穿，而入面內餡非常多汁，每一粒都爆汁，有肉的鮮甜味
今次食呢間樂天皇朝係銅鑼灣利苑，平日中午都唔算太多人，唔似之前晚市黎食咁滿座，我自己就幾中意呢邊環境同氣氛，燈光會調到暗暗地咁，唔會同平時的中餐廳一樣咁光猛，反而令人覺得幾有情調，再加上每張餐檯之間都有一定距離，除左空間感比較好之外，客人之間都可以有私隱。
口水雞：聞到口水雞的辣辣香味，上檯見到全個鮮紅色有少少嚇親，但好在食落辣度適中，少少黏稠的辣汁可以沾在雞肉上。個雞肉係雞脾肉，口感非常鮮嫩可口，凍凍地辣辣地好開胃。
剁椒魚片：呢個真材實料正正正，以一小截竹筒上檯，一望就見到紅紅綠綠的剁椒，顏色已經令人覺得唔錯，然後一撥開上層的剁椒，發現下面全部都係魚片，每片都完整且無骨，肉質厚實鮮嫩，份量仲要比想像中多，食極都仲有魚，極力推薦！
小籠包：叫左原味及蟹粉，水準都同以前一樣咁高，每一粒小籠包外皮通透，輕輕一夾都怕會穿，但又勁在夾完都唔會穿，而入面內餡非常多汁，每一粒都爆汁，有肉的鮮甜味，都有蟹粉的香氣，果然黎樂天皇朝盲係要食小籠包。
蟹粉炒飯：呢個都好好味，個飯炒到粒粒分明，唔會成舊飯痴埋一舊野咁，入口有陣陣蟹粉的濃郁香味，食到最底都唔會覺得個飯非常油膩，連唔食飯的我都忍唔住食左兩碗仔。
油麥菜：超級驚喜之作，以為係炒先食得的油麥菜，無諗過生食都一樣可以，入口清甜新鮮，非常爽口，有一絲絲蔬菜的天然甜味係口腔散發，就算唔沾芝麻醬都一樣好味，真心推介，比炒菜更好食，而且其他地方都食唔到。
張貼
