影片
更多
2023-01-10
132 瀏覽
餐廳：小城大廚 (觀塘)地址：觀塘成業街19-21 號成業工業大廈地下3號舖好多人都鍾意食中菜小炒，全港都有大大小小嘅大排檔、茶餐廳、中式菜館，最啱就係一家人或者一大班朋友一齊叫小菜開心share☺️。觀塘呢間22年12月頭開嘅小城大廚，晚市主打特色小炒同火鍋，而佢哋嘅拿手菜更喺比較少見嘅客家菜，原來廚師喺正宗客家人，當中有唔少菜式仲喺好地道而且罕有，就好似秘制沙姜豬腳筋同木瓜手釣魚仔湯等餐廳喺觀塘成業工業大廈地下，佔地都幾大，座位闊落，每張枱相隔都有啲空間，坐得舒服又無壓迫感😌，喺一個相當唔錯嘅聚腳地👣。依家新開張只需要比茶芥$8一位，就再無其他額外收費，仲唔使加一，都幾抵食😍，而大部份小菜都係百零蚊，選擇仲唔少添✝️馳名客家鹹香雞(半隻) $170本身所用嘅雞隻已經相當大隻，所以半隻份量都幾誇張🤣，輕輕用鹽醃過雞隻，喺底層加入鹹菜去蒸熟，仲連帶些少雞內臟，本身以為好似平時嘅鹽焗雞咁會好鹹，點知食落似白切雞但多咗輕輕一陣鹹菜香。雞肉肉質鮮嫩，雞香味幾出🐔，無雪藏味，唔錯唔錯👍✝️柱侯蘿蔔牛筋腩煲 $98勁惹味嘅柱侯蘿蔔牛筋腩煲🐮，未食已經聞到柱侯醬嘅香味，當中仲加入咗蔥段、薑、八角同其他香
地址：觀塘成業街19-21 號成業工業大廈地下3號舖
好多人都鍾意食中菜小炒，全港都有大大小小嘅大排檔、茶餐廳、中式菜館，最啱就係一家人或者一大班朋友一齊叫小菜開心share☺️。觀塘呢間22年12月頭開嘅小城大廚，晚市主打特色小炒同火鍋，而佢哋嘅拿手菜更喺比較少見嘅客家菜，原來廚師喺正宗客家人，當中有唔少菜式仲喺好地道而且罕有，就好似秘制沙姜豬腳筋同木瓜手釣魚仔湯等
餐廳喺觀塘成業工業大廈地下，佔地都幾大，座位闊落，每張枱相隔都有啲空間，坐得舒服又無壓迫感😌，喺一個相當唔錯嘅聚腳地👣。依家新開張只需要比茶芥$8一位，就再無其他額外收費，仲唔使加一，都幾抵食😍，而大部份小菜都係百零蚊，選擇仲唔少添
✝️馳名客家鹹香雞(半隻) $170
本身所用嘅雞隻已經相當大隻，所以半隻份量都幾誇張🤣，輕輕用鹽醃過雞隻，喺底層加入鹹菜去蒸熟，
仲連帶些少雞內臟，
本身以為好似平時嘅鹽焗雞咁會好鹹，點知食落似白切雞但多咗輕輕一陣鹹菜香。雞肉肉質鮮嫩，雞香味幾出🐔，無雪藏味，唔錯唔錯👍
✝️柱侯蘿蔔牛筋腩煲 $98
勁惹味嘅柱侯蘿蔔牛筋腩煲🐮，未食已經聞到柱侯醬嘅香味，當中仲加入咗蔥段、薑、八角同其他香料🌱，
牛筋牛腩佔咗成個煲嘅7成，真心足料，牛筋爽韌有滿滿嘅骨膠原；牛腩伴隨住少少筋同脂肪，肉香味好濃厚！另外仲有唔少蘿蔔，所有食材都炆得好腍好入味，撈飯食一流😋
✝️蠔仔肉碎湯飯 $88
蠔仔肉碎湯飯一向喺我嘅至愛🦪，蠔香充滿成煲湯飯，一啲腥味都無，
蠔仔飽滿一咬即爆，口感過癮😆，加埋肉碎、香蔥等，簡單而出色好味，份量都夠3-4人食
✝️蟹粉扒時蔬 $108
用咗蟹肉、蟹粉同蛋白打成芡汁淋喺白菜仔面頭🥬，
中間食到少少蟹衣🤏，
證明喺用咗真·蟹肉去整🦀，一啲都無花假🤪
張貼
