今日去左試食，入左去覺得裝修得幾靚，店面四面貼滿食物及價錢，明碼實價，食物款式少，免加一，茶位每人$4。
2人叫左5碟，$14-21,叫左楊枝甘露、牛肉腸、燒賣、粉菓同雞扎。楊枝甘露好稀，料少，好普通。牛肉腸，腸粉皮夠滑不太厚，但牛肉料粉太厚。燒賣唔錯，夠大粒，份量足，有成條蝦在內。粉菓較普通，但材料幾新鮮，胡椒粉放得唔多。雞扎唔錯，裡面有片豬肚、豬皮同雞扒肉，件雞扒肉幾好味。
PS:果度好迫，每個位以及對面位既空間好有限，食野時食物無乜地方放，特別係一次黎三至四樣食物，食得好有壓迫感。食物整體好味，味道調得好，唔太油、唔甜，較健康。
