名棧拉麵小籠包 (已結業)

是晚同男友返黎荃灣揾食，諗住食個快餐後就趕去睇戲。經過此店門口，見人流唔算多，食物又好似唔錯，就決定試下呢間！兩人點左：１）蒜泥白肉青瓜卷、２）小籠包、３）雞絲冷麵、４）餛飩酸辣湯麵１）蒜泥白肉青瓜卷：話說小女首嚐蒜泥白肉，滿滿既蒜，脂肪分佈平均既五花肉，我竟然完全不顧肥肉既存在，食完一片又一片…再夾住爽口既青瓜件，我而家先知道原來蒜泥白肉係咁好味！２）小籠包：我認為小籠包既皮唔算薄，但肉同湯都還可以，至少唔係滿滿既味精３）雞絲冷麵：麵底好有份量之外，仲鋪上青瓜絲、雞絲、芝麻，拌麵既醬仲好好食。值得推介！但胃口細人士要食完呢碗麵應該有Ｄ難度…４）餛飩酸辣湯麵：我點既雞絲冷麵唔錯，相反，男友呢個餛飩酸辣湯麵就不點也擺。由於我地離個開放廚房既出餐位不遠，一眼就望到廚房裡面既環境同煮食位，先講個酸辣湯湯底，味道過酸而不辣，個湯稀到似水；另外，先唔講餛飩係自家製定係交貨，問題係，餛飩一早已經煮熟放凍，有食客點先煮返熱，但餛飩已經發漲，仲好似糊咁。真係食唔落！呢餐只能說：都可以既（只要唔點個餛飩酸辣湯麵）～