皇宮印度餐廳 (已結業)

平日懶得登記入黎打野既我終於忍唔住手打下第一篇屬於自己既食評，因為我食左一餐幾開心既地道晚飯。 是日朋友飯局: 重慶大廈印度菜! 一處充滿異國產品同氣味，亦都有好多間印度菜館，今次朋友介紹既，聞說係當中最歷史由久既一間。一入門口，平民化既感覺，眼見有唔少當地人幫襯，相信應該係FANS 呢~~是日晚餐叫左叫左兩餅兩咖哩、一雜錦鐵板、印度啤。續樣講下~~新鮮整起，非常熱同軟熟，芝士味唔太濃，對於一眾芝士愛好者而言淨食可能會覺得淡口。屬於味道較重既類型~我比較中意唔夾咖哩淨食佢!除左咖哩味之外仲夾雜左好多香料，唔太鹹。另一個重點係咖哩入面既羊肉，林得黎唔太肥所以食落唔算羶。食落並唔係我想像中既茄汁味，反而係少許蕃茄味加少許椰汁味，而且佢係用燒雞黎煮! 成件事即刻香口左~~推介!!入面有燒羊、燒魚、燒雞同埋無落紅色香料既燒雞當中全部人都認為燒魚係最好食!用香料淹制再加上鹽燒既味道係我地廣東人好難去形容既味道!!但因為大家食得太快…所以影唔切相= =上圖貌似蠟腸既其實係燒羊肉串，口感並唔似外觀般硬，羊羶味比較咖哩羊重~值得一提，侍應們都幾好人，唔太忙既時候仲會同我地傾計 (注:有時須要估佢地