影片
更多
2009-05-31
6 瀏覽
今晚睇小人國, 之前只得一支公食晚飯. 唔知食乜好. 逛葵芳好耐都唔知食乜好. 突然諗起有間餐廳响葵涌廣場上三樓0的牛雜檔後邊, 於是去試試.一去到, 見到個餐牌就覺得好熟. 好似以前農場餐廳0既樣. 原來真係同一個老闆開0既.試0左個紅酒汁5安士安格斯牛扒三文魚. 跟意粉同羅宋湯. 有片算頭包.片包唔夠熱. 但都好脆. 個湯好好飲. 牛扒好好好好好好好好好食! 意粉ok. 但三文魚都係唔夠熱.只係覺得餐廳抽風唔太好, 好似好多油煙咁, 仲有門口檔牛雜味. 同埋茶餐廳式0既服務, 俾錢出櫃台俾都要收加一, 呢0的都扣印象分. 我情願個價標高少少唔唔收加一好過.雖然我唔係俾好高分, 但我都會俾. 因為農場餐廳俾過幾多好回憶我. 希望農家意粉可以做得好0的, 去返以前農場餐廳個水平.
一去到, 見到個餐牌就覺得好熟. 好似以前農場餐廳0既樣. 原來真係同一個老闆開0既.
試0左個紅酒汁5安士安格斯牛扒三文魚. 跟意粉同羅宋湯. 有片算頭包.
片包唔夠熱. 但都好脆. 個湯好好飲. 牛扒好好好好好好好好好食! 意粉ok. 但三文魚都係唔夠熱.
只係覺得餐廳抽風唔太好, 好似好多油煙咁, 仲有門口檔牛雜味. 同埋茶餐廳式0既服務, 俾錢出櫃台俾都要收加一, 呢0的都扣印象分. 我情願個價標高少少唔唔收加一好過.
雖然我唔係俾好高分, 但我都會俾[笑]. 因為農場餐廳俾過幾多好回憶我. 希望農家意粉可以做得好0的, 去返以前農場餐廳個水平.
張貼