加拿大餐廳 (已結業)

7月4日, 同呀比走到落石塘咀搵食. 呢間加拿大餐廳外表並不光鮮, 似係d老牌餐廳格局, 做嘅係街坊生意. 而我認為, 佢根本就係加記嘅西餐版~::: 椰香焗雞扒意粉 ::: $34話就話係似加記, 但加記主打的自家焗製香軟餐包呢度就欠奉, 只有2個微熱的包仔… 羅宋湯都算合格, 不過d雜菜係大大舊的. 黎到主菜椰香雞扒焗意粉, 老實講, 賣相係求奇, 雞扒係無味. 勉強大力索下都有少少椰香, 但食落真係淡而無味, d雞扒其實係嫩嘅… 不過好似無醃過咁囉. 意粉係偏淋… 成碟野好白, 又淡, 又淋… 都算係難食架喇! D野飲… 正常地普通囉.::: 西班牙汁香煎龍脷柳配白飯 ::: $34忌廉湯都只不過係普通, 得個淡字, 有忌廉味不過整體都係淡, 亦因為係蔬菜忌廉湯所以冇肉味就淡上加淡… 西班牙汁龍脷柳上枱都幾香, 不過賣相都係一樣唔討好~ 西班牙汁算係好味, 不過龍脷柳煎得唔夠, 唔脆之餘淋上西班牙汁之後更一pat pat, 配菜感覺亦不太新鮮… 冇食晒個飯…唔得呀呢間真係! 唉~ 真心覺得對面間華人餐廳都仲好食過佢! 西環同石塘咀咁多好野食, 加拿大點同人鬥落去呀?!