翠華餐廳 (已結業)

一個人食飯，又去到翠華。今日去左地鐵站口果一間，上左一樓坐自閉位。靠窗位可以望住馬路同地鐵站，三號風球橫風橫雨，望住幾架五噸半爭泊位，都係從辦公室減壓既一種方法。午餐唔岩胃口，就睇餐牌點一個。印尼炒飯望落豐富，有沙嗲煎蛋蝦片等等。炒飯粒粒分明，鹹味夠什至稍為過鹹，應該係落多左豉油。蝦片上半部份夠香夠脆，放入飯入面既就淋左。煎蛋如果係太陽蛋更吸引。沙嗲夠入味。炒飯有不少雞塊，亦夠入味。成碗飯足足夠兩個人食，我當然食唔晒打包一半聽日再食。