個鋪面好易認，招牌做得好靚，好有美國feel，早啲去等冇甘多人排隊嗰陣影張相打個卡都心情靚番晒
每個漢堡都係獨立一個漢堡包，另外加錢配薯條同野飲，通常食薯條我都會配啤酒，加錢可以升級至手工啤。
我比較鍾意食牛堡嘅，所以揀左個special meun嘅「貝羅菇雙重芝士牛肉漢堡」+薯角+手工啤
柔軟嘅面包，配上貝羅菇同雙重芝士，牛肉又唔韌，我覺得都好juicy。成個漢堡包都食得好開心 同滿足。
薯角炸得啱啱好，入面又多薯肉，我就鍾意配茄汁，唔錯唔錯。
朋友叫左黑牛飲品，好似係可樂加雪糕，我興趣不大。
我揀左其中一款手工啤叫Kwak，呢個酒杯都好特別，啱晒鍾意打卡嘅我。個味道一開始甜甜地，之後會愈飲愈有一種甘甘地嘅味道。
呢間鋪地方細，但員工都快手。我就幾鍾意佢地嘅裝潢，好特別，好舒服，有時候食野除左味道，服務同環境互相配合就一定加分。
