沐淳 (已結業)

元朗大街一直都好多台式飲品店，而呢間沐淳係元朗都已經好幾年，一直都係超人氣！最主要呢間飲品材料質素非常之高，有啲係空運食材過黎架！首先佢最熱賣既人氣第一位 #小芋圓大甲芋頭鮮奶，因為小芋圓、大甲芋頭都係台灣空運而黎，好多人都係呢點慕名而來，超QQ彈口芋圓再加上大大粒大甲芋頭，飲落口感非常吸引！另外佢地既奶係使用明治鮮牛奶，用料真係非常用心，再加上即叫即製新鮮程度滿分！另外仲有唔同芝雪水果系列，所有水果都係新鮮製造！今次試左 #芝雪芒芒沙沙 ，芝士奶蓋口感超濃郁，份量又夠多，再加新鮮芒果沙冰夠曬甜，一啲都唔酸！熱辣辣天氣一飲真係完全解渴！呢間餐廳無論用料、用心💛都非常值得叫人一試😝