鉄火堂 (厚福街)

營業中

休息中

去左尖沙咀呢間分店，午市都算多人，但好在早去唔駛等位，自選don飯$68四款刺身，包麵豉湯，性價比高。麵豉湯就比較淡味，正正常常，重點都係放在刺身飯上。上菜速度快，飯量算多，而且暖暖地，唔錯。刺身選擇了赤蝦、帶子、吞拿魚腩蓉、和吞拿魚。坦白講，呢到刺身真係唔係厚切亦都唔係大件，但食落係新鮮既，赤蝦好食，火炙左口魚邊都肥美又入口即溶咁。呢個價錢食四種刺身係性價比高既，平食黎講算係無咩好挑剔，值得一試！