亞參雞飯

營業中

休息中

海南雞係常見嘅平民美食，隨處都可以見到。今日雞飯癮起來到青衣城亞參雞飯，希望食到好食嘅海南雞。未到門口侍應姐姐已經殷勤招呼，介紹各式食品，態度可嘉。餐廳以南洋風裝潢，多用竹籐木，天花有大吊扇。當然要講海南雞先啦，海南雞份量充足，雞肉唔會太油有肉質而嫩滑，肉香就算沾上醬汁又唔被蓋過。油飯粒粒分明唔會好油，油香之餘又有少許香料味，睇返餐牌原來有斑蘭葉香茅煨煮，值得推薦。一個飯當然唔夠兩個人食啦，於是我地叫咗個肉骨茶伴飯。🥘肉骨茶係新加坡式，以胡椒味為主，聞落好重胡椒味以為會辣死，點知食落平易近人，老人小朋友都可以一試。茶湯有2條肉骨同幾件豆卜，肉骨軟淋，十分容易就食到肉。豆卜吸滿湯汁唔錯，但個人偏好以油炸鬼。小食先有斑蘭咖央多士，多士十分鬆脆，多士搽上香甜咖央醬配上入口即溶嘅牛油，大力推薦!然後有香烤豬肉串，其貌不揚嘅豬肉串放入口中卻非常好味，肉質結實又多汁，有食緊台灣腸嘅感覺。飲品有🍹柑桔特飲，一飲就知柑桔特飲真材實料，濃濃柑桔味，唔會太甜。香茅薄荷特飲好有香茅香但薄荷味唔太重。