華昌粥麵燒腊飯店 (已結業)

如是這﹐呢個唔跟次序o既粥評就寫到第3回。細細個住華昌附近﹐媽媽好多時都會去華昌買外賣俾我食。仲記得o個陣最鍾意食有強烈蘇打味o既蘇打牛粥。而家住遠o左(少少)﹐好幾年都無機會再去。(因為覺得唔就腳)今次終於同媽媽&家姐去o左十年八年無去過o既華昌食粥。(大喜)一入到去﹐就有種久別重逢o既感覺。o的夥計都係o個幾個﹐裝修都仍然係N年前大裝修過一次之後o既模樣...其實都裝修o左差不多十年﹐暗地裡覺得保養得好好...坐低o左之後﹐發現有陣好濃烈o既花露水味...所以食住都有o的唔太舒服。餐牌果然係多o左好多選擇﹐連粥都多過以前好多。不過今次我仍然都係照舊叫白粥。(其實係想叫白粥+窩蛋...點知叫之前俾媽媽笑﹐叫o既時候個夥計又打o左個突﹐最後阿廚否決o左我o既決定...所以唯有食返白粥...)白粥粉量唔算大﹐如果大食少少o既可以叫多個腸粉伴粥。不過就粒粒米都爆晒花﹐好綿。最好o既地方係碗粥o既味道o岩o岩好﹐唔太重味﹐用o黎調整返個味覺o岩晒!!三個人埋單52蚊...(仲叫o左北菰滑雞粥同炸醬麵)打o左一大個突...發現原來碗白粥只係$7...頓時覺得呢$7俾得好物超所值!!雖然見華昌好