勝手 (已搬遷) 新店位置

因為住附近尋晚已經係第三次嚟勝手食，，由幾個月前新開張到現在，每一晚經過都見到爆晒，見到之前幾個食評唔係咁好，以為佢啲食物質素變差。尋晚再次到訪，我又唔覺喎！再次試佢地嘅魚湯同和牛餐無upgrade已經好ok，但係可以多兩三片就更好la。。因為本身係食肉獸，叫多左一碟A5和牛肩！嘩！呢碟無得頂！每塊都成個電視遙控咁大（有相為証)，油花分佈好平均，就咁灼一灼，入口鬆軟。。貴就貴la 但因為就算日本當地都屬高級食府所以間中食吓都ok!仲有，我好鍾意佢地個烏冬，好味！但係，前菜(豆)要額外收費的話，係應該先通知客人既同埋D冷氣要大D，食到我好熱。