Daily 13 (已結業)

荃灣工廈區遠離塵囂原來有間樓上cafe質素唔錯呢！一入門就一幅花牆可以打卡。佢地仲不時會搞啲甜品promotion，例如任食雪糕/蛋糕咁，好吸引！Burger迷必點呢個軟殼蟹安格斯芝士漢堡，脆脆軟殼蟹外仲有個厚安格斯牛漢堡，咬落爆汁又幾厚肉juicy，兩人分享都ok。另外吸引到我更係隔離嘅薯條，食落似扭扭薯條嘅味同脆度，熱氣但我地超愛啊！意粉必點經典嘅溫泉卡邦尼意大利粉，置中有個溫泉蛋，督開撈埋意粉一齊食最正。意粉creamy掛汁，煙肉量都幾多。脆炸無激素雞翼配香辣蛋黃醬令我幾驚喜嘅item，雞翼好香口又多汁嫩滑配埋個醬好惹味亦令人食唔停口，邪惡之選！飲品點咗菠蘿柚子梳打同埋荔枝蜜桃茶，前者好清爽，啱晒配搭香脆嘅食物平衡吓。