紅茶冰室

營業中

休息中

假日到尖沙咀行街順便食晚餐，唔算係好餓加又想平平地，即諗起茶記，據聞紅茶的沙嗲牛肉麵都不俗，而且唔少分店，身在尖咀一於試下。餐廳有兩層，面積頗大，上層茶記格局卡位多，下層個裝潢係另一個風格，木系枱椅，竹編吊燈及綠色植物，自然系之感有點泰風FEEL，當然我地都係坐卡位，坐位夠闊絡舒服好多。茶記的好處，食物好多選擇。特餐，$52。友人的紅豆冰。咖啡，普通。丹麥酥配火腿奄列，丹麥酥口感酥脆，有牛油香，幾好味，火腿奄列，份量適中正常水準。招牌沙嗲牛肉麵，牛肉份量多，牛肉幾入味，肉質軟腍，沙嗲湯底味道尚算濃郁，麵爽彈，不俗。食物味道不俗，坐得舒服，服務都幾好，平平地的晚餐。