影片
更多
2023-11-28
63 瀏覽
🔸 煎封黃花魚 $188香煎黃花魚好大條，應該有成十兩，條黃花魚係從魚肚開邊整條魚起雙飛，冷油熱鑊猛火快速煎封，火候剛剛好，魚皮煎得剛剛脆口，好有咸香味，魚肉仍然好鮮嫩😚 黃花魚一啲都唔腥，即使係最腥嘅魚頭，畀佢煎封咗，裏面仍然仲有魚汁，魚肉完全冇腥味，條魚應該係好新鮮嘅，冇過份醃鹹，所以魚肉唔會太鹹。而且啲魚肉食落新鮮到好似食緊蟹肉，好正！ 終於尋找到一條最好食嘅煎黃花魚， 下次要食魚都要專程走入嚟屯門呢間【尋魚記】 搵好魚食。味道：8/10性價比：6/10🔸 四川擔擔麵＋京蔥五香牛肉包 2個 / $59 下午茶餐由2點至4點，可以選一款拉麵加一款點心，餐送鮮豆漿一杯。擔擔麵有好香花生味，仲有啲肉燥同蔥花伴住，麵條 好油潤，擔擔麵就係味夠濃。生煎牛肉包一上枱就有好香嘅煎包味，皮薄饀多，牛肉餡幾大舊，係甜甜哋嘅鮮牛肉味同埋五香味，幾好食。味道：8/10性價比：7/10🔸北京炸醬麵＋上海小籠包 2隻 / $59京都炸醬麵就係用肉醬嚟撈麵，另外提供一碗清湯用嚟伴啲撈麵。這碗拉麵都算大碗，炸醬係甜甜哋鹹鹹哋嘅，肉味好香， 醬油味好濃郁，好好味。小籠包可以做到爆汁 ，這家店川京菜都做得地
🔸 煎封黃花魚 $188
香煎黃花魚好大條，應該有成十兩，條黃花魚係從魚肚開邊整條魚起雙飛，冷油熱鑊猛火快速煎封，火候剛剛好，魚皮煎得剛剛脆口，好有咸香味，魚肉仍然好鮮嫩😚 黃花魚一啲都唔腥，即使係最腥嘅魚頭，畀佢煎封咗，裏面仍然仲有魚汁，魚肉完全冇腥味，條魚應該係好新鮮嘅，冇過份醃鹹，所以魚肉唔會太鹹。而且啲魚肉食落新鮮到好似食緊蟹肉，好正！ 終於尋找到一條最好食嘅煎黃花魚， 下次要食魚都要專程走入嚟屯門呢間【尋魚記】 搵好魚食。
味道：8/10
性價比：6/10
🔸 四川擔擔麵＋京蔥五香牛肉包 2個 / $59
下午茶餐由2點至4點，可以選一款拉麵加一款點心，餐送鮮豆漿一杯。擔擔麵有好香花生味，仲有啲肉燥同蔥花伴住，麵條 好油潤，擔擔麵就係味夠濃。
生煎牛肉包一上枱就有好香嘅煎包味，皮薄饀多，牛肉餡幾大舊，係甜甜哋嘅鮮牛肉味同埋五香味，幾好食。
味道：8/10
性價比：7/10
🔸北京炸醬麵＋上海小籠包 2隻 / $59
京都炸醬麵就係用肉醬嚟撈麵，另外提供一碗清湯用嚟伴啲撈麵。這碗拉麵都算大碗，炸醬係甜甜哋鹹鹹哋嘅，肉味好香， 醬油味好濃郁，好好味。小籠包可以做到爆汁 ，這家店川京菜都做得地道。
【尋魚記】呢度嘅下午茶份量都幾多， 出品有一定水準， 抵食夾大件。
味道：7/10
性價比：7/10
🔸小食：雞絲粉皮；三喜烤夫 跟餐每款 $15
爽滑嘅粉皮上面有幾條雞絲撈埋啲麻醬， 麻醬味做得濃稠， 有好多青瓜絲拌住。烤夫就有啲黃豆、木耳、鮮筍粒，味微酸， 好有豆香味，鬆軟可口。
味道：7/10
性價比：7/10
🔸 山東韭菜盒子 3件 / $42
煎韭菜餃一碟三件，熱辣辣上枱，餃皮已經煎脆咗，皮好薄，咬落爆汁， 韭菜味好香。
味道：7/10
性價比：6/10
🔸 雪糕黑糖冰粉 $38
黑糖冰粉墊底，上面有一啲蜜豆，最頂就係一大球雪糕，淋起一啲黑糖槳。 黑糖冰粉食落涼浸浸、好滑，好食過涼粉好多。
味道：7/10
性價比：7/10
張貼
