Daily 13 (已結業)

原來荃灣的工廈都有唔少美食，點解我咁講，咪就係因為上網見到好多人介紹囉，見到好多人都讚咁我呢d為食貓緊係要出動啦！六點來到Daily 13 ，當時未有其他客我就把握時間周圍影相啦！影完相後就開始叫野食，侍應超細心介紹呢期佢地的優惠， 原來只要叫一客白酒忌廉香草煮智利藍青口每位人客加13蚊就可以無限任加，嘩超抵食呀！ 我同朋友緊係加啦， 我們總共食左3客呀我們分別叫左一人一客主食，我叫左62.5度溫泉蛋傳統卡邦尼意大利粉， 個溫泉蛋，比我的叉刺爆慢慢容入意粉再拌勻食，真係超滋味。而我好友叫左香草蕃茄汁雜肉腸馬莎莉娜芝士長通粉好出色，酸甜度剛好，加上個芝士味好香濃搞到我朋友拍手叫好味，我只能偷到一口食。我自己仲加左套餐，套餐有蜜糖芥末籽燒雞柳串，和法式干邑龍蝦湯，個湯超濃郁好香，如果份量再大碗d 就正， 個燒雞柳串點個蜜糖芥末醬好夾。最後我們仲叫左個朱古力雪糕窩夫作結尾，窩夫即叫即整新鮮熱辣，放上香濃香古力雪糕上去夾住食， 冰火交融絕配。