上海婆婆 (已結業)

最近幾年都在屯門生活，屯門雖然係個好偏僻既地方，但要有咩有咩，屯市既4個商場到而家仲未行得熟，成日迷路，V-city係其中最易行既商場，一樓果邊有好多餐廳，今晚就揀了上海婆婆試下。小籠包36蚊有4隻小籠包，都幾抵食，皮簿餡多，湯好鮮甜，好好飲，唔會覺得飲緊味精湯。麻婆豆腐香味十足，份量同料都好足，豆腐好滑，拎黎撈飯真係好掂，食起上黎有驚喜，估唔到咁好食，唔會話好辣，相信食唔到辣既人都會食到，推介！上海粗炒份量好大份，3-4個女仔食都會夠食，兩個小女子食完仲有成一半剩，穫氣好夠，聞落香噴噴，麵條有咬口，好彈牙，而家唔會話太油，個人都幾鐘意！花鵰醉雞醉雞都係出去食常叫既一道菜，所以都食到有相當既經驗，今次既份量相對黎講都幾大份，所以都幾抵食，酒味唔算太濃，符合大眾口味，但醃得相當入味，配上嫩滑既雞肉，成碟野俾我食曬咁濟（友人原來食唔慣花鵰味）。甜品叫了碗酒釀丸子試一試，丸子細細粒都好有彈性，酒味比較清淡，而湯清甜中帶有桂花香，味道簡單，但更直接帶給味蕾清新舒暢既感覺。