杏甜品 (香檳大廈) (已結業)

鍾意飲杏仁茶嘅朋友一定要試呢間啦! 主打一系列杏仁甜品, 新Menu推出咗「杏仁茶吸吸系列」, 之前食過覺得佢哋嘅杏仁茶同其他甜品都相當出色, 今次又嚟咗尋找「杏」福滋味😋👍🏻必試 - 杏仁茶燉蛋白杏仁每日新鮮現磨, 人手壓杏汁, 啖啖真材實料! 杏仁味香濃天然, 入口香滑; 燉蛋白非常多, 足足有成半碗! 質感嫩滑, 係滋潤養顏嘅甜品🤍🔸呂宋芒小丸子杏仁茶吸吸將傳統杏仁茶變成凍飲, 夏天飲啱晒😚! 用上菲律賓芒果🥭, 啖啖芒果, 香甜好滋味~ 杏仁茶嘅杏仁味好香好突出, 兩者嘅味道好夾, 唔會互搶對方嘅味道~ 香甜芒果粒, 配上QQ小丸子, 口感豐富!